ລາວ
ອັງກິດ ສະເໜີຂໍເປີດບັນຊີຜູ້ນຳໃຊ້ໃໝ່ ຂັ້ນຕອນທີ 1: ເງື່ອນໄຂທົ່ວໄປ
- ໜ້າຫຼັກ
- ສະເໜີຂໍເປີດບັນຊີຜູ້ນຳໃຊ້ໃໝ່
ເງື່ອນໄຂທົ່ວໄປ
ເນື້ອໃນ ແລະ ເງື່ອນໄຂທົ່ວໄປ ຂອງການນຳໃຊ້ລະບົບຈົດທະບຽນຂອງການຄ້ຳປະກັນ
ຂັ້ນຕອນໜຶ່ງຂອງຂະບວນການ ໃນການເປີດບັນຊີໃໝ່ແມ່ນ ການຮຽກຮ້ອງໃຫ້ແຈ້ງເນື້ອໃນ ແລະ ເງື່ອນໄຂລວມໃຫ້ແກ່ຜູ້ນຳໃຊ້ລະບົບ ແລະ ການຮັບຮອງເອົາເນື້ອໃນ ແລະ ເງື່ອນໄຂລວມດັ່ງກ່າວ. ຖ້າຜູ້ນຳໃຊ້ບໍ່ເຫັນດີ ໃນການຮັບເອົາເນື້ອໃນ ແລະ ເງື່ອນໄຂລວມດັ່ງກ່າວນີ້, ບັນຊີໃໝ່ ແມ່ນບໍ່ສາມາດເປີດໄດ້ຢູ່ທີ່ຫ້ອງການຈົດທະບຽນ.
ກະລຸນາເບິ່ງເນື້ອໃນ ແລະ ເງື່ອນໄຂລວມ ຕາມທີ່ສະເໜີຢູ່ຂ້າງລຸ່ມນີ້:
ເນື້ອໃນ ແລະ ເງື່ອນໄຂລວມໃນການຳໃຊ້ລະບົບຈົດທະບຽນສຳລັບເຈົ້າຂອງບັນຊີ ຜູ້ນຳໃຊ້
- ໃນການຮັບຮອງເນື້ອໃນ ແລະ ເງື່ອນໄຂລວມດັ່ງກ່າວນີ້, ລູກຄ້າໄດ້ກາຍເປັນເຈົ້າຂອງບັນຊີຂອງຜູ້ນຳໃຊ້ຢູ່ໃນລະບົບຈົດທະບຽນການຄ້ຳປະກັນດ້ວຍສັງຫາລິມະຊັບ ຊຶ່ງຈະກຳນົດສິດ ແລະ ພັນທະຂອງເຈົ້າຂອງບັນຊີຜູ້ນຳໃຊ້ ຕາມທີ່ກຳນົດໄວ້ຢູ່ໃນກົດໝາຍວ່າດ້ວຍການຄ້ຳປະກັນການປະຕິບັດສັນຍາ ແລະ ລະບຽບການທີ່ຖືກຮັບຮອງ ໂດຍສອດຄ່ອງກັບກົດໝາຍດັ່ງກ່າວ ແລະ ເນື້ອໃນ ແລະ ເງື່ອນໄຂລວມຂອງການນຳໃຊ້ສະບັບນີ້.
- ໂດຍການເປີດບັນຊີຂອງຜູ້ນຳໃຊ້ໃນລະບົບຈົດທະບຽນການຄ້ຳປະກັນ (ແຕ່ນີ້ຕໍ່ໄປເອີ້ນວ່າ: “ຫ້ອງການຈົດທະບຽນ”), ເຈົ້າຂອງບັນຊີຜູ້ນຳໃຊ້ຈະສາມາດເຂົ້ານຳໃຊ້ການບໍລິການຂອງຫ້ອງການຈົດທະບຽນ ຊຶ່ງບັນຈຸເອົາການບໍລິການດັ່ງຕໍ່ໄປນີ້:
(ກ) ການບໍລິການບັນຊີຜູ້ນຳໃຊ້;
(ຂ) ການຈົດທະບຽນ ແລະ ການປ່ຽນແປງການຈົດທະບຽນຄ້ຳປະກັນທາງລະບົບອອນລາຍ;
(ຄ) ການຊອກຄົ້ນຖານຂໍ້ມູນຂອງຫ້ອງການຈົດທະບຽນຜ່ານລະບົບອອນລາຍ;
(ງ) ການອອກໃບຢັ້ງຢືນການຄ້ຳປະກັນ ໂດຍຫ້ອງການຈົດທະບຽນການຄ້ຳປະກັນ ໂດຍສອດຄ່ອງກັບກົດໝາຍການຄ້ຳປະກັນການປະຕິບັດສັນຍາ ແລະ ລະບຽບການທີ່ກ່ຽວຂ້ອງ;
(ຈ) ການຮັກສາບົດລາຍງານການດຸນດ່ຽງບັນຊີຂອງເຈົ້າຂອງບັນຊີ ກັບ ຫ້ອງການຈົດທະບຽນ ແລະ ການເຂົ້າເຖິງບົດລາຍງານການດຸນດ່ຽງບັນຊີ ໂດຍເຈົ້າຂອງບັນຊີ;
(ສ) ການໃຫ້ການຊ່ວຍເຫຼືອດ້ານວິຊາການ-ການຊ່ວຍເຫຼືອດ້ານວິຊາການຂອງຫ້ອງການຈົດທະບຽນຢູ່ໃນຊົ່ວໂມງເຮັດວຽກ.
- ຫ້ອງການຈົດທະບຽນຕ້ອງເຮັດບັນຊີ ແລະ ເກັບຄ່າບໍລິການຈາກເຈົ້າຂອງບັນຊີ ສຳລັບການບໍລິການຈົດທະບຽນແຕ່ລະຄັ້ງ ເປັນຈຳນວນເງິນ ແລະ ວິທີການທີ່ກຳນົດໄວ້ໃນລະບຽບການທີ່ກ່ຽວຂ້ອງ.
- ໃນເວລາເປີດບັນຊີ, ເຈົ້າຂອງບັນຊີມີພັນທະຈ່າຍເງິນຄ້ຳປະກັນເຂົ້າບັນຊີຂອງຫ້ອງການຈົດທະບຽນ ແລະ ຈຳນວນເງິນດັ່ງກ່າວແມ່ນບໍ່ໃຫ້ຕ່ຳກວ່າຈຳນວນເງິນທີ່ກຳນົດໄວ້ໃນລະບຽບການທີ່ກ່ຽວຂ້ອງ.
- ຫ້ອງການຈົດທະບຽນຈະຫັກເອົາຄ່າບໍລິການໃນແຕ່ລະຄັ້ງແບບອະຕະໂນມັດສຳລັບການບໍລິການທີ່ໄດ້ສະໜອງໃຫ້ແກ່ເຈົ້າຂອງບັນຊີ ຈາກຈຳນວນເງິນທັງໝົດ ທີ່ຝາກໄວ້ໃນບັນຊີ.
- ຈະບໍ່ມີການຈ່າຍດອກເບ້ຍສຳລັບເງິນຄ້ຳປະກັນທີ່ເຈົ້າຂອງບັນຊີໄດ້ຈ່າຍເຂົ້າບັນຊີຂອງຫ້ອງການຈົດທະບຽນ.
- ຫ້ອງການຈົດທະບຽນບໍ່ມີພັນທະໃນການສະໜອງການບໍລິການທີ່ໄດ້ມີການອ້າງອີງເຖິງຢູ່ໃນຂໍ້ທີ 2 ຂ້າງເທິງນີ້ ຖ້າວ່າບັນຊີຂອງຜູ້ນຳໃຊ້ບໍ່ມີທຶນພຽງພໍ ສຳລັບການຈ່າຍຄ່າບໍລິການທີ່ຕົນຮ້ອງຂໍ.
-
ຫ້ອງການຈົດທະບຽນຈະບໍ່ມີຄວາມຮັບຜິດຊອບຕໍ່:
(ກ) ຄວາມບໍ່ຖືກຕ້ອງຂອງຂໍ້ມູນທີ່ພິມເຂົ້າລະບົບໂດຍເຈົ້າຂອງບັນຊີ ຜ່ານບັນຊີຂອງຜູ້ນຳໃຊ້;
(ຂ) ຄວາມເສຍຫາຍທີ່ເກີດຂຶ້ນຈາກ:
· ການນຳໃຊ້ທີ່ບໍ່ຖືກຕ້ອງ, ຜິດກົດໝາຍ ຫຼື ການສໍ້ໂກງ ດ້ວຍການນຳໃຊ້ຂໍ້ມູນໃດໜຶ່ງທີ່ໄດ້ຈາກຫ້ອງການຈົດທະບຽນ;
· ການນຳໃຊ້ທີ່ບໍ່ຖືກຕ້ອງ, ຜິດກົດໝາຍ ຫຼື ສໍ້ໂກງ ດ້ວຍການນຳໃຊ້ໃບຢັ້ງຢືນການຄ້ຳປະກັນທີ່ອອກໂດຍຫ້ອງການຈົດທະບຽນ ຫຼື ຜູ້ສະໜອງການບໍລິການໃຫ້ແກ່ປະຊາຊົນ;
· ການນຳໃຊ້ຂໍ້ມູນທີ່ໄດ້ຈາກຖານຂໍ້ມູນຂອງຫ້ອງການຈົດທະບຽນສຳລັບຈຸດປະສົງໃດໜຶ່ງ ຍົກເວັ້ນສິ່ງທີ່ໄດ້ມີການຄຸ້ມຄອງໂດຍກົດໝາຍ ແລະ ບະບຽບການທີ່ກ່ຽວຂ້ອງ;
· ການນຳໃຊ້ຫ້ອງການຈົດທະບຽນລວມທັງການປ້ອນຂໍ້ມູນ, ການປ່ຽນແປງຂໍ້ມູນ, ການຊອກຄົ້ນຂໍ້ມູນ ຫຼື ການລຶບຂໍ້ມູນ ຢູ່ໃນຖານຂໍ້ມູນຂອງຫ້ອງການຈົດທະບຽນ.
· ການລະເມີດມາດຕະການຮັກສາຄວາມປອດໄພ ໂດຍເຈົ້າຂອງບັນຊີ ຫຼື ຜູ້ນຳໃຊ້.
(ຄ) ຄວາມບໍ່ສາມາດໃນການເຂົ້ານຳໃຊ້ ລະບົບຈົດທະບຽນ ຊຶ່ງເກີດຂຶ້ນຍ້ອນບັນຫາເຕັກນິກຂອງອຸປະກອນທີ່ບໍ່ເປັນຂອງຫ້ອງການຈົດທະບຽນ ເປັນຕົ້ນ (ສາຍໂທລະສັບ ຫຼື ອຸປພະກອນຊື່ສານອື່ນໆ).
(ງ) ການນຳເນີນການທີ່ປະຕິບັດໂດຍບຸກຄົນທີສາມ ຊຶ່ງໄດ້ຮັບອະນຸຍາດໂດຍເຈົ້າຂອງບັນຊີ ເພື່ອເຂົ້ານຳໃຊ້ລະບົບຈົດທະບຽນໃນນາມຜູ້ຕ່າງໜ້າທາງດ້ານກົດໝາຍ ຫຼື ໃນນາມ ຫຼື ເພື່ອຜົນປະໂຫຍດຂອງເຈົ້າຂອງບັນຊີ, ແລະ ເພື່ອນຳໃຊ້ການບໍລິການຂອງຫ້ອງການຈົດທະບຽນໃນນາມ ແລະ ເພື່ອຜົນປະໂຫຍດຂອງເຈົ້າຂອງບັນຊີ.
(ຈ) ການນຳເດີນການຂອງເຈົ້າຂອງບັນຊີ ໃນນາມຄົນກາງ ສຳລັບຝ່າຍທີສາມ ຫຼື ໃນກໍລະນີທີ່ເຈົ້າຂອງບັນຊີນຳໃຊ້ການບໍລິການຂອງຫ້ອງການຈົດທະບຽນ ໃນນາມຂອງຕົນເອງ ຫຼື ໃນນາມຂອງບຸກຄົນທີສາມ ຕາມທີ່ຕົນໄດ້ຮັອະນຸຍາດ.
- ເຈົ້າຂອງບັນຊີມີພັນທະຕ້ອງນຳໃຊ້ລະບົບຈົດທະບຽນໂດຍສອດຄ່ອງກັບຈົດປະສົງ ແລະ ວິທີການທີ່ຖືກຄຸ້ມຄອງໂດຍກົດໝາຍ ຫຼື ລະບຽບການທີ່ຖືກຮັບຮອງຕາມກົດໝາຍ ແລະ ເນື້ອໃນ ແລະ ເງື່ອນໄຂລວມໃນການນຳໃຊ້ລະບົບຈົດທະບຽນສະບັບນີ້.
- ເຈົ້າຂອງບັນຊີ ໄດ້ປະກາດຢ່າງຈະແຈ້ງວ່າ ຕົນມີຄວາມຮັບຮູ້ຢ່າງພຽງພໍກ່ຽວກັບທຸລະກຳທີ່ຈະບັນທຶກເຂົ້າຢູ່ໃນລະບົບຈົດທະບຽນ ແລະ ບຸກຄົນທີ່ໄດ້ຮັບການມອບສິດຂອງຕົນສາມາດຈັດຕັ້ງປະຕິບັດທຸລະກຳ ໂດຍມີການຝຶກອົບຮົມທີ່ຈຳເປັນສຳລັບການນຳໃຊ້ ການບໍລິການຂອງຫ້ອງການຈົດທະບຽນ.
- ເຈົ້າຂອງບັນຊີມີສິດຢ່າງຜູກຂາດໃນການເປີດບັນຊີຍ່ອຍຂອງບັນຊີຂອງຜູ້ນຳໃຊ້ (ແຕ່ນີ້ຕໍ່ໄປເອີ້ນວ່າ: “ບັນຊີຍ່ອຍ”).
- ເຈົ້າຂອງບັນຊີມີສິດໃນການມອບສິດໃຫ້ແກ່ບຸກຄົນໃດໜຶ່ງ ເພື່ອປະຕິບັດທຸລະກຳທີ່ກ່ຽວຂ້ອງກັບການນຳໃຊ້ບັນຊີ ແລະ ບັນຊີຍ່ອຍຂອງຜູ້ໃຊ້ລະບົບ.
- ເຈົ້າຂອງບັນຊີຕ້ອງຮັບຜິດຊອບຕໍ່:
(ກ) ຄວາມຖືກຕ້ອງ (ຄວາມຖືກຕ້ອງທີ່ສຳຄັນ) ຂອງບັນດາຂໍ້ມູນທີ່ພິມເຂົ້າໃນຖານຂໍ້ມູນ ຂອງຫ້ອງການຈົດທະ ບຽນ;
(ຂ) ການນຳໃຊ້ຖານຂໍ້ມູນຂອງຫ້ອງການຈົດທະບຽນ ໄປທາງທີ່ບໍ່ຖືກຕ້ອງ;
(ຄ) ການນຳໃຊ້ໃບຢັ້ງຢືນທີ່ອອກໂດຍຫ້ອງການຈົດທະບຽນ ໄປໃນທາງທີ່ບໍ່ຖືກຕ້ອງ;
(ງ) ການນຳໃຊ້ໃບຢັ້ງຢືນທີ່ອອກໃຫ້ໂດຍຫ້ອງການຈົດທະບຽນ ເພື່ອຈຸດປະສົງທີ່ຢູ່ນອກຂອບເຂດຂອງການຄຸ້ມຄອງໂດຍກົດໝາຍ ແລະ ລະບຽບການທີ່ກ່ຽວຂ້ອງ;
(ຈ) ການນຳໃຊ້ຂໍ້ມູນທີ່ໄດ້ຈາກຖານຂໍ້ມູນຂອງຫ້ອງການຈົດທະບຽນ ໄປໃນທາງທີ່ບໍ່ຖືກຕ້ອງ;
(ສ) ການນຳໃຊ້ຂໍ້ມູນທີ່ໄດ້ຈາກຖານຂໍ້ມູນຂອງຫ້ອງການຈົດທະບຽນ ໃນຈຸດປະສົງທີ່ຢູ່ນອກເໜືອຂອບເຂດຂອງການຄຸ້ມຄອງຂອງກົດໝາຍ ແລະ ລະບຽບການກ່ຽວກັບການຈົດທະະບຽນ;
(ຊ) ການນຳໃຊ້ຫ້ອງການຈົດທະບຽນ ຊຶ່ງລວມເອົາ ແຕ່ບໍ່ຈຳກັດສະເພາະແຕ່ການປ້ອນຂໍ້ມູນ, ການປ່ຽນແປງຂໍ້ມູນ, ການຊອກຄົ້ນຂໍ້ມູນ ແລະ ການລຶບຂໍ້ມູນຢູ່ໃນຖານຂໍ້ມູນຂອງຫ້ອງການຈົດທະບຽນ ຊຶ່ງເປັນການລະເມີດລະບຽບກົດໝາຍ ແລະ ລະບຽບການກ່ຽວກັບການຈົດທະບຽນການຄ້ຳປະກັນ;
(ຍ) ການນຳໃຊ້ຫ້ອງການຈົດທະບຽນ ຊຶ່ງລວມເອົາແຕ່ບໍ່ຈຳກັດສະເພາະແຕ່ການປ້ອນຂໍ້ມູນ, ການປ່ຽນແປງຂໍ້ມູນ ການຊອກຄົ້ນຂໍ້ມູນ, ການລຶບຂໍ້ມູນທີ່ບັນຈຸຢູ່ໃນຖານຂໍ້ມູນຂອງຫ້ອງການຈົດທະບຽນ ຊຶ່ງບໍ່ສອດຄ່ອງກັບຈຸດປະສົງໃນການເຂົ້ານຳໃຊ້ຖານຂໍ້ມູນຂອງຫ້ອງການຈົດທະບຽນ;
(ດ) ການລະເມີດລະບຽບການກ່ຽວກັບການຮັກສາຄວາມປອດໄພຂອງຫ້ອງການຈົດທະບຽນ;
(ຕ) ການດຳເນີນການຂອງບຸກຄົນທີສາມ ທີ່ໄດ້ຮັບການມອບສິດໂດຍເຈົ້າຂອງບັນຊີ ເພື່ອນຳໃຊ້ການບໍລິການຂອງ ຫ້ອງການຈົດທະບຽນ ໃນນາມເປັນຕົວແທນຂອງເຈົ້າຂອງບັນຊີ.
- ຖ້າວ່າ: ມີກໍລະນີໜຶ່ງ ຫຼື ຫຼາຍກໍລະນີ ທີ່ເຈົ້າຂອງບັນຊີຕ້ອງໄດ້ຮັບຜິດຊອບຕໍ່ການດຳເນີນການໃດໜຶ່ງທີ່ໄດ້ລະບຸໄວ້ຕາມລາຍການຂ້າງເທິງນີ້, ເຈົ້າຂອງບັນຊີ ແມ່ນມີຄວາມຮັບຜິດຊອບຕໍ່ຄ່າເສຍຫາຍທີ່ເກີດຂຶ້ນ ໂດຍສອດຄ່ອງກັບລະບຽບການທົ່ວໄປກ່ຽວກັບຄວາມຮັບຜິດຊອບຕໍ່ຄວາມເສຍຫາຍທີ່ຕົນໄດ້ສ້າງຂຶ້ນ.
- ໃນເວລານຳໃຊ້ການບໍລິການຂອງຫ້ອງການຈົດທະບຽນ, ເຈົ້າຂອງບັນຊີມີພັນທະຕ້ອງປະຕິບັດຕາມມາດຕະການຮັກສາຄວາມປອດໄພ ຊຶ່ງໝາຍຄວາມວ່າ ເຈົ້າຂອງບັນຊີມີຄວາມຮັບຜິດຊອບ ຢ່າງເຕັມສ່ວນຕໍ່:
(ກ) ລະຫັດຜ່ານ, ຊື່ຜູ້ນຳໃຊ້ ຫຼື ກົດລະຫັດສະເພາະ ລວມທັງການປ່ຽນກົດລະຫັດສະເພາະ ຕາມທາງເລືອກຂອງເຈົ້າຂອງບັນຊີ;
(ຂ) ການນຳໃຊ້ກົດລະຫັດສະເພາະແບບໄດ້ຮັບການມອບສິດ ແລະ ບໍ່ໄດ້ຮັບການມອບສິດ;
(ຄ) ການນຳໃຊ້ກົດລະຫັດສະເພາະແບບບໍ່ຖືກຕ້ອງ ໂດຍເຈົ້າຂອງບັນຊີ ແລະ ບຸກຄົນທີສາມ;
- ຫ້ອງການຈົດທະບຽນສະຫງວນສິດໃນການປ່ຽນແປງມາດຕະການຮັກສາຄວາມປອດໄພ ແລະ ນຳໃຊ້ອຸປະກອນຮັກສາຄວາມປອດໄພເພີ່ມເຕີມ ເພື່ອປັບປຸງການປົກປັກຮັກສາລະບົບຈົດທະບຽນ ແລະ ຜູ້ນຳໃຊ້ຫ້ອງການຈົດທະບຽນ.
- ເຈົ້າຂອງບັນຊີໄດ້ຕົກລົງຢ່າງຈະແຈ້ງວ່າ ຈະຮັບຜິດຊອບຕໍ່ຄ່າໃຊ້ຈ່າຍທີ່ຕິດພັນຕໍ່ກັບການປ່ຽນແປງ ມາດຕາການຮັກສາຄວາມປອດໄພ ຫຼື ການຕິດຕັ້ງເຄື່ອງອຸປະກອນໃໝ່ ຊຶ່ງໄດ້ເຮັດຂຶ້ນ ຍ້ອນມີການເປີດບັນຊີຂອງຜູ້ນຳໃຊ້.
- ເຈົ້າຂອງບັນຊີ ແລະ ຜູ້ນຳໃຊ້ທີ່ໄດ້ຮັບການມອບສິດບໍ່ມີສິດ:
(ກ) ເປີດເຜີຍກົດລະຫັດໂດຍມີເຈດຕະນາ ຫຼຶ ບໍ່ມີເຈດຕະນາ ຫຼື ເອົາກົດລະຫັດໃຫ້ບຸກຄົນທີ່ບໍ່ໄດ້ຮັບສິດນຳໃຊ້;
(ຂ) ສະໜອງການເຂົ້ານຳໃຊ້ກົດລະຫັດແບບມີເຈດຕະນາ ຫຼື ບໍ່ມີເຈດຕະນາໃຫ້ແກ່ບຸກຄົນທີ່ບໍ່ໄດ້ຮັບອະນຸຍາດ;
(ຄ) ເປີດເຜີຍລາຍລະອຽດກ່ຽວກັບລະບົບຮັກສາຄວາມປອດໄພຂອງຫ້ອງການຈົດທະບຽນທີ່ກ່ຽວພັນກັບອຸປະກອນຄອມພີວເຕີ ແລະ ກົດລະຫັດ;
(ງ) ດຳເນີນການໃດໜຶ່ງທີ່ເຮັດໃຫ້ເກີດຂໍ້ຜິດພາດ ຫຼື ມີການທຳລາຍຂໍ້ມູນທີ່ໄດ້ຈາກລະບົບຈົດທະບຽນ ຫຼື ໂປຼແກມຄອມພີວເຕີພ້ອມທັງການດຳເນີນການໃດໜຶ່ງ ຊຶ່ງເຮັດໃຫ້ຂໍ້ມູນດັ່ງກ່າວບໍ່ມີຄວາມໝາຍ, ບໍ່ສາມາດນຳໃຊ້ໄດ້ ຫຼື ບໍ່ມີປະສິດຕິພາບ;
(ຈ) ປ່ຽນແປງຮູບຮ່າງໜ້າຕາ ຫຼື ເນື້ອໃນຂອງຈໍຄອມພີວເຕີ ແລະ ຂໍ້ມູນທີ່ບັນທຶກຈາກຖານຂໍ້ມູນຈົດທະບຽນ ຫຼື ຫ້ອງການຈົດທະບຽນ ທີ່ໄດ້ຂໍ້ມູນດັ່ງກ່າວມາຈາກ ຫຼື ເພື່ອແຈກຢາຍຂໍ້ມູນດັ່ງກ່າວ.
- ເຈົ້າຂອງບັນຊີສາມາດຍົກເລີກບັນຊີຂອງຜູ້ນຳໃຊ້ ດ້ວຍເຫດຜົນໃດໜຶ່ງດ້ວຍການສົ່ງແຈ້ງການຢ່າງເປັນລາຍລັກອັກສອນກ່ຽວກັບການຍົກເລີກບັນຊີ ໃຫ້ແກ່ຫ້ອງການຈົດທະບຽນການຄ້ຳປະກັນ. ແຈ້ງການດັ່ງກ່າວນັ້ນຕ້ອງສົ່ງໂດຍຈົດໝາຍລົງທະບຽນ ຫຼື ດ້ວຍວິທີການອື່ນລວມທັງການນຳສົ່ງດ້ວຍບຸກຄົນ. ບັນຊີດັ່ງກ່າວຈະຖືວ່າຖືກປິດໃນເວລາ ຫ້ອງການຈົດທະບຽນໄດ້ຮັບແຈ້ງການກ່ຽວກັບການຍົກເລີກບັນຊີ ແລະ ໃນເວລາບັນຊີດັ່ງກ່າວໄດ້ຖືກປິດຢູ່ໃນລະບົບຈົດທະບຽນການຄ້ຳປະກັນ.
- ໃນກໍລະນີມີການລະເມີດຂໍ້ 13 ແລະ ຂໍ້ 15 ຢູ່ໃນເອກະສານສະບັບນີ້ ໂດຍເຈົ້າຂອງບັນຊີ, ຫ້ອງການຈົດທະບຽນມີສິດປິດບັນຊີຂອງຜູ້ນຳໃຊ້ ແລະ ນຳໃຊ້ມາດຕະການອື່ນໆ ຕາມກົດໝາຍ ແລະ ລະບຽບການທີ່ສ້າງຂຶ້ນຕາມກົດໝາຍ.
- ໃນກໍລະນີມີການປິດບັນຊີຂອງຜູ້ນຳໃຊ້, ຫ້ອງການຈົດທະບຽນມີພັນທະຕ້ອງສົ່ງເງິນຄ້ຳປະກັນ ສຳລັບຄ່າບໍລິການໃນຈຳ ນວນເງິນທີ່ຍັງເຫຼືອຄືນໃຫ້ແກ່ເຈົ້າຂອງບັນຊີ ໂດຍສອດຄ່ອງກັບຄຳສັ່ງແນະນຳສະເພາະ ກ່ຽວກັບການຄຸ້ມຄອງບັນຫານີ້.
- ເຈົ້າຂອງບັນຊີຈະບໍ່ໄດ້ຮັບອະນຸຍາດໃຫ້ດຳເນີນທຸລະກຳກ່ຽວກັບທຶນທີ່ຝາກໄວ້ຢູ່ໃນບັນຊີຂອງຜູ້ນຳໃຊ້ຫ້ອງການຈົດທະບຽນ (ເຊັ່ນ: ການຖອນທຶນ, ການໂອນທຶນດັ່ງກ່າວໃຫ້ແກ່ຜູ້ນຳໃຊ້ລາຍອື່ນ ຫຼື ການດຳເນີນການທີ່ຄ້າຍຄືກັນນັ້ນ).
- ບັນຊີຂອງຜູ້ນຳໃຊ້ຈະຖືກເປີດຫຼັງຈາກເຈົ້າຂອງບັນຊີໄດ້ດຳເນີນການດັ່ງຕໍ່ໄປນີ້:
(ກ) ພິມ ແລະ ເຊັນເນື້ອໃນ ແລະ ເງື່ອນໄຂລວມຂອງການນຳໃຊ້ລະບົບສະບັບນີ້;
(ຂ) ສຳລັບນິຕິບຸກຄົນ ຕ້ອງສົ່ງສຳເນົາໃບທະບຽນວິສາຫະກິດ ທີ່ອອກໂດຍອົງການທີ່ມີສິດອຳນາດ; ສຳລັບບຸກຄົນຕ້ອງສົ່ງສຳເນົາບັດປະຈຳຕົວປະຊາຊົນໃຫ້ແກ່ຫ້ອງການຈົດທະບຽນ;
(ຄ) ສົ່ງສຳເນົາເນື້ອໃນ ແລະ ເງື່ອນໄຂລວມໃນການນຳໃຊ້ລະບົບທີ່ໄດ້ລົງລາຍເຊັນຮັບຮອງແລ້ວ ແລະ ເອກະສານອື່ນໆ ຕາມຂໍ້ (ຂ) ຂ້າງເທິງນີ້ ໃຫ້ແກ່ຫ້ອງການຈົດທະບຽນ;
(ງ) ຈ່າຍເງິນຄ້ຳປະກັນຕາມທີ່ກຳນົດໄວ້ຢູ່ໃນຂໍ້ c ຂອງເອກະສານສະບັບນີ້ ຕາມລະບຽບການທີ່ກ່ຽວຂ້ອງ.
- ເຈົ້າຂອງບັນຊີໄດ້ປະກາດຢ່າງຈະແຈ້ງວ່າ ຕົນໄດ້ອ່ານ, ເຂົ້າໃຈ ແລະ ຕົກລົງຮັບເອົາເນື້ອໃນ ແລະ ເງື່ອນໄຂລວມໃນການນຳໃຊ້ລະບົບຈົດທະບຽນຕາມເອກະສານສະບັບນີ້.